Diaspor

Ana səhifə

Diaspor

Dünya Azərbaycanlıları Birliyi uydurma “erməni soyqırımı”na qarşı etiraz kampaniyasına başlayıb

16 mart 2010 13:34 (UTC +04:00)

Bakı – APA. Belçikada fəaliyyət göstərən Dünya Azərbaycanlıları Birliyi (DAB) müxtəlif ölkələrdə uydurma “erməni soyqırımı”na dəstək verilməsinə qarşı etiraz kampaniyasına başlayıb. Diasporla İş üzrə Dövlət Komitəsinin mətbuat xidmətindən APA-ya verilən məlumata görə, DAB-ın rəhbəri Ədalət Quliyev “No to H.Res 252!!!” devizi altında etiraz məktubları hazırlayaraq müxtəlif qurumlara göndərdiklərini deyib.

Məktublarda martın 4-də ABŞ Konqresi Nümayəndələr Palatasının Xarici Əlaqələr Komitəsində qəbul olunan qərar və martın 11-də İsveç parlamentinin uydurma “erməni soyqırımı”nı rəsmən tanıması kəskin şəkildə pislənilir. DAB haqsız və uydurulmuş iddialarla dünyanın diqqətini özünə cəlb etməyi bacaran ermənilərin əsl simasını beynəlxalq ictimaiyyətin nəzərinə çatdırmaq məqsədilə hazırladığı məktubları ayrı-ayrılıqda ABS prezidenti Barak Obamaya, vitse-prezident Cozef Baydenə, dövlət katibi Hillari Klintona, BMT-nin baş katibi Pan Gi Muna, ABŞ-ın Belçikadakı səfirinə, beynəlxalq təşkilatlara, eləcə də “erməni soyqırımı”nı qəbul edən və dəstəkləyən konqresmen və senatorlara göndərib. Məktubların surəti Azərbaycan prezidenti İlham Əliyevə, xarici işlər naziri Elmar Məmmədyarova, Türkiyə prezidenti Abdulla Gülə, xarici işlər naziri Əhməd Davudoğluna və Türkiyənin Belçikadakı səfiri Nazif Murat Ərsavcıya göndəriləcək.

erməni_soyqırım