Diaspor

Ana səhifə

Diaspor

Bakıda Oleq Tsiqanovun “İlham Əliyev: Açıq dünya” kitabının təqdimatı keçirilib - FOTO

Bakıda Oleq Tsiqanovun “İlham Əliyev: Açıq dünya” kitabının təqdimatı keçirilib - <font color=red>FOTO</font>

07 aprel 2010 15:53 (UTC +04:00)

Bakı. Laçın Sultanova-APA. Bu gün Rusiyanın Azərbaycandakı səfirliyində Oleq Tsiqanovun «İlham Əliyev: Açıq dünya» adlı kitabının təqdimatı keçirilib. APA-nın məlumatına görə, Rusiyanın Azərbaycandakı səfiri Vladimir Doroxin xatırladıb ki, bu kitab keçən ilin sonunda Moskvada Rusiya oxucusuna artıq təqdim olunub. «Mən Azərbaycana səfir təyin olunan zaman aşkarladım ki, Rusiyada Azərbaycan haqqında cəmi bir kitab nəşr olunub. Hər zaman bəyan edirdim ki, biz Azərbaycanı az tanıyırıq. İndi mən şadam ki, bu tendensiya dəyişir, Rusiyada Azərbaycan haqqında kitablar nəşr olunur, Azərbaycana müsbət maraq artır”. Səfir kitabı Rusiya-Azərbaycan əməkdaşlığının simvolu adlandırıb.

Milli Elmlər Akademiyasının prezidenti Mahmud Kərimov deyib ki, kitab Azərbaycanın nailiyyətləri və problemləri barədə kifayət qədər açıq və ədalətli yazılmış əsərdir. Tədbirdə çıxış edən Milli Məclisin vitse-spikeri Valeh Ələsgərov uzun illərdən bəri ilk dəfə rusiyalı müəllifin Azərbaycan haqqında belə bir kitabını oxuduğunu bildirib. O, Azərbaycanı Rusiyanın etibarlı müttəfiqi adlandırıb.

Prezident Aparatı ictimai-siyasi şöbəsinin müdir müavini Ərəstun Mehdiyev deyib ki, kitab tarixi köklərə bağlı olan Azərbaycan-Rusiya dostluğunun göstəricisidir: “Bu gün Azərbaycan və Rusiya cəmiyyətləri bir-biri haqqında daha çox informasiyaya ehtiyac duyurlar”.

Tədbirdə çıxış edən millət vəkilləri Asəf Hacıyev, Mixail Zabelin, mədəniyyət və turizm nazirinin müavini Sevda Məmmədəliyevə kitabı iki xalqı və iki mədəniyyəti bir birinə yaxınlaşdıran əsər adlandırıblar. Onlar qeyd ediblər ki, Azərbaycan haqqında müəllifin rusiyalı olması onu daha cəlbedici edir.

Kitabın müəllifi Oleq Tsiqanov deyib ki, 30 ildir ki, Azərbaycan ilə yaxından tanışdır: “Azərbaycanın regionlarına dəfələrlə səfərlər etmişəm, bu xalq, bu ölkə, onun rəhbəri haqqında kitab yazmağı özümə borc bildim”. Uzun illər çalışdığı «İzvestiya» qəzetində Azərbaycan haqqında həqiqətləri yazdığını deyən Oleq Tsiqanov bildirib ki, Heydər Əliyevin razılığı ilə Bakıda «Azerbaydjanskie izvestiya» qəzeti nəşr olunur, Moskvada isə qəzetin 4 icmalçıdan ibarət bürosu fəaliyyət göstərir.

Tədbir iştirakçıları kitabın böyük tirajla nəşrinə ehtiyac olduğunu söyləyib, V.Ələsəkrov bu işdə ilk yardımçı olacağını bəyan edib.