Diaspor

Ana səhifə

Diaspor

“Genocide” filminin təqdimatı olub - FOTO

“Genocide” filminin təqdimatı olub - <font color=red>FOTO</font>

14 aprel 2010 13:28 (UTC +04:00)

APA-nın məlumatına görə, film “Avrasiya Beynəlxalq Araşdırmalar İnstitutu” İctimai Birliyi tərəfindən hazırlanıb. Filmin ssenari müəllifi və rejissoru Etibar Məmmədov, redaktoru Kəmalə Paşayeva, elmi rəyçisi tarix elmləri doktoru, professor Musa Qasımlı, baş məsləhətçisi millət vəkili Qənirə Paşayevadır.

Film Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə hazırlanıb.

Təqdimat mərasimində çıxış edən “Avrasiya Beynəlxalq Araşdırmalar İnstitutu” İctimai Birliyinin sədri Günel Paşayeva 1918-1920-ci illər ərzində Azərbaycanın müxtəlif bölgələrində ermənilər tərəfindən minlərlə günahsız, dinc sakinin qətlə yetirildiyini deyib. O, 2007-ci ildə Qubada aşkarlanan kütləvi məzarlığın erməni daşnaklarının günahsız insanları ağlasığmaz işgəncələrlə qətlə yetirdiklərini, soyqırımına məruz qoyduqlarını bir daha sübut etdiyini vurğulayıb.

G. Paşayeva filmdə 1918-ci ilin mart qırğınlarında Qubada erməni daşnaklarının törətdiyi soyqırımı zamanı valideynlərini, doğmalarını, yaxınlarını itirmiş, həmin dəhşətli hadisələrin canlı şahidi olmuş insanların taleyindən bəhs edildiyini söyləyib: “Ermənilər azərbaycanlıları, eləcə də digər xalqların nümayəndələrini – yəhudiləri əziyyətlər, işgəncələr verərək məhv ediblər. Doğmalarını soyqırımı zamanı itirmiş insanların bir çoxu uzun illərlə onların qəbirlərini belə tapa bilmirdilər. Ömürlərinin yaşlı dövrlərini yaşayan bu insanlar filmdə dünya ictimaiyyətindən 1918-ci ilin mart-may aylarında erməni daşnakları tərəfindən onların yaxınlarına, azərbaycanlılara qarşı törədilmiş cinayətlərə, soyqırımına hüquqi qiymət verilməsini tələb edirlər”.

Filmdə Qubada azərbaycanlılarla yanaşı, soyqırımına məruz qalmış digər millətlərin - yəhudilərin təmsilçilərinin fikirləri də əksini tapıb.

Tədbirdə çıxış edən millət vəkili Qənirə Paşayeva bu cür filmlərin çəkilməsinə maliyyə dəstəyi göstərdiyinə görə, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyevə minnətdarlıq edib. Millət vəkili hər kəsi, əsasən də gəncləri bu filmin Azərbaycan, xüsusən ingilis dili versiyasını daha geniş miqyasda yaymağa çağırıb: “Mən hər kəsi bu filmi internetdə, sosial şəbəkələrdə geniş yaymağa çağırıram. Qoy, bütün dünya həqiqətin nədən ibarət olduğunu görsün”.

Mərasimdə qeyd olunub ki, “Avrasiya Beynəlxalq Araşdırmalar İnstitutu” İctimai Birliyi «Genoside» sənədli filminin yaxın günlərdə ABŞ-da və Avropanın bəzi ölkələrində də təqdimatını həyata keçirəcək. Film çoxaldılıb və yaxın günlərdə beynəlxalq arenada yayılmaq üçün Azərbaycan Xarici İşlər Nazirliyi, Diasporla İş üzrə Dövlət Komitəsi, bir çox dövlət və qeyri-hökumət təşkilatları, diaspor təşkilatlarına göndəriləcək.

“Soyqırım”