Diaspor

Ana səhifə

Diaspor

Moldova Azərbaycanlıları Konqresinin sədri Moldovanın Dövlət mükafatı “Gloria Muncii” ordeni ilə təltif edilib - FOTO

Moldova Azərbaycanlıları Konqresinin sədri Moldovanın Dövlət mükafatı “Gloria Muncii” ordeni ilə təltif edilib - <font color=red>FOTO</font>

14 aprel 2010 13:44 (UTC +04:00)

Bakı-APA. Moldova Azərbaycanlıları Konqresinin sədri Vüqar Novruzov ölkə prezidentinin səlahiyyitlərini icra edən Mixay Qumpunun fərmanı ilə Moldova Respublikasının Dövlət mükafatı “Gloria Muncii” ordeni ilə təltif edilib. Diasporla İş üzrə Dövlət Komitəsinin mətbuat xidmətindən APA-ya verilən məlumata görə, Moldovadakı Azərbaycan diasporunun rəhbəri millətlərarası dostluğun möhkəmləndirilməsi, inkişafı və milli mədəniyyətlərin qarşılıqlı zənqinləşməsi sahəsində, həmçinin məhsuldar təşkilati və içtimai fəaliyyətinə görə bu yüksək mükafata layiq görülüb.

Qeyd edək ki, “Gloria Muncii” mükafatı 1992-ci il iyunun 30-da təsis edilib. Bu yüksək mükafat ölkə prezidentinin fəarmanı ilə təqdim olunur. Vüqar Novruzov 1962-ci ildə Laçın rayonunda doğulub, ali təhsilini Moldovada alıb və həmin vaxtdan bu ölkədə yaşayır, hüquq elmləri doktorudur. 1990-cı ildən bizneslə məşğuldur, “Azmol Company” şirkətinin baş direktorudur. Onun sədri olduğu Moldova Azərbaycanlıları Konqresi Moldovada yaşayan bütün azərbaycanlıların birləşməsi, əlaqələrin genişləndirilməsi, onlar arasında birlik və həmrəylik hislərinin gücləndirilməsində müstəsna rolu var.

Moldova