Diaspor

Ana səhifə

Diaspor

London Universitetində İranın qeyri-fars millətlərinin mövcud durumuna həsr olunmuş konfrans keçirilib - FOTO

London Universitetində İranın qeyri-fars millətlərinin mövcud durumuna həsr olunmuş konfrans keçirilib - <font color=red>FOTO</font>

07 may 2010 08:29 (UTC +04:00)

APA-nın “CanAZ TV”yə istinadən yaydığı məlumata görə, konfransda insan haqları müdafiəçisi və Azərbaycanlı Siyasi Məhbusları Müdafiə Komitəsinin rəhbəri xanım Faxtə Zamani çıxış edib.
Şənbə günü keçirilən konfransda Xanım Zamani öz çıxışında İranda dil, mədəniyyət, iqtisad və başqa sahələrdə İranda mövcud olan ayrı-seçkiliyə, habelə fars irqçiliyinə toxunaraq ölkədə yaşayan Azərbaycan türklərinin hüquqlarının bütün sahələrdə pozulmasından və onlara qarşı yürüdülən assimilyasiya siyasətindən danışıb.
Faxtə Zamani təmsil etdiyi qurumun insan haqları sahəsində, azərbaycanlı siyasi məhbusların hüquqlarının müdafiəsi istiqamətində göstərdiyi fəaliyyət haqqında bilgi verib. O, ölkədə bütün sahələrdə fars olmayan millətlərə qarşı həyata keçirilən ayrı-seçkilik siyasətinin keçmiş və hazırkı vəziyyətindən danışaraq bildirib: “2006-cı ildə Azərbaycan türklərin təhqir edən məlum karikatur hadisəsinə etiraz zamanı çox sayda azərbaycanlı öldürüldü, yaralandı və bir çox insan isə həbs edildi. Bu hadisələr zamanı Tehranda fəaliyyət göstərən və başqa mərkəz meylli insan haqlarını müdafiə təşkilatları azərbaycanlılara qarşı göstərilən bu amansızlıqlar haqqında heç bir reaksiya vermədilər. Onlar Azərbaycanda heç bir hadisə olmamış kimi baş verənləri kənarda seyr etməklə kifayətləndilər. Bunun nəticəsində biz azərbaycanlıların haqların müdafiə üçün özümüzün bu sahədə fəaliyyət göstərə biləcək qurum yaratmalı olduğumuz zərurətini başa düşdük. Bunun nəticəsi olaraq “Azərbaycanlı Siyası Məhbusları Müdafiə Komitəsi”n təsis etdik”.
“Ərəb Ələhvaz” təşkilatlarının təşəbbüsü ilə baş tutan konfransda ərəb dünyasının və İran ərəblərinin tanınmış simaları doktor Musa Əlhəsəni, doktor İmadəddin Cəburi, dokrot Ləmis, doktor Qəffari, doktor Əbdüllətif və doktor Sami, Misir, İraq, İordaniya və Əlcəzairdən nümayəndələr iştirak ediblər. Bununla yanaşı, Güney Azərbaycan, Bəluçistan və türkmənlərin nümayəndələri də konfransa qatılıblar. Konfrans barədə “Əl-Cəzirə” və “Əl-Həvar” kimi nüfuzlu beynəlxalq televiziya kanalları geniş xəbərlər yayımlayıb.