Diaspor

Ana səhifə

Diaspor

Marneulidə faşizm üzərində qələbənin 65-ci ildönümü qeyd olunub - FOTOSESSİYA

Marneulidə faşizm üzərində qələbənin 65-ci ildönümü qeyd olunub - <font color=red>FOTOSESSİYA</font>

10 may 2010 07:31 (UTC +04:00)

Marneuli. Nizami Məmmədzadə - APA. Marneuli Mədəniyyət Evində rayon icra hakimiyyətinin dəstəyi ilə faşizm üzərində qələbənin 65-ci ildönümü qeyd edilib.

APA-nın Gürcüstan bürosunun məlumatına görə, tədbiri Gürcüstan parlamentinin deputatı Azər Süleymanov açaraq, Böyük Vətən Müharibəsi iştirakçılarını qələbə münasibətilə təbrik edib.

Daha sonra Marneuli rayon İcra Hakimiyyətinin başçısı Zaza Dekonoidze, Marneuli şəhərindəki Rusdilli Mədəniyyət Mərkəzinin rəhbəri Nataşa Vereşaqina, müharibə veteranı Məmməd Piriyev və başqaları çıxış ediblər. Bayram tədbirində iştirak edən 89 müharibə iştirakçısına faşizm üzərində qələbənin 65 illiyi münasibətilə təsis edilmiş yubiley medalı və 200 lari pul verilib, onlara şirniyyat süfrəsi açılıb.

Rus dilli mədəniyyət mərkəzinin rəhbəri Nataşa Vereşaqina APA-ya bildirib ki, hazırda Gürcüstanda 6 min müharibə veteranı yaşayır: “Böyük Vətən Müharibəsində Gürcüstandan gürcü, azərbaycanlı, rus, erməni və digər millətlərin nümayəndələri iştirak ediblər. Onlar sevimli Gürcüstanımıza sülh uğrunda vuruşaraq, azadlıq, əmin-amanlıq və sülh gətiriblər. Arzu edirəm ki, bizim uşaqlar möcüzəli müharibəni heç vaxt hiss etməsinlər”.

Qızılhacılı kəndindən olan müharibə veteranı Əli Zeynalov APA-ya bildirib ki, müharibədə 77-ci Azərbaycan diviziyasının tərkibində iştirak edib: “Minomyotçu idim. Mozdokda, Minvodda, daha sonra Voroşilovqradda, Taqanroqda və Krımda müharibənin od-alovundan keçmişəm. İlk dəfə qolumdan kimyəvi güllə alaraq ağır yaralandım. İkinci dəfə isə alman tankından məni vurdular. Qolumda hələ də qəlpə gəzdirirəm. Müxtəlif ordenlər və medallarla təltif olunmuşam. Çox şükür ki, bu günləri də gördük”.