Diaspor

Ana səhifə

Diaspor

Borçalının Görarxı kəndində Ayvaz Həsənovun xatirəsinə həsr edilmiş mədəniyyət və istirahət parkı açılıb – FOTO

Borçalının Görarxı kəndində Ayvaz Həsənovun xatirəsinə həsr edilmiş mədəniyyət və istirahət parkı açılıb – <font color=red>FOTO </font>

08 iyun 2010 15:41 (UTC +04:00)

Marneuli. Nizami Məmmədzadə - APA. Bu gün Borçalının Görarxı kəndində el ağsaqqalı, ictimai xadim Ayvaz Dursun oğlu Həsənovun xatirəsinə həsr edilmiş mədəniyyət və istirahət parkı açılıb. APA-nın Gürcüstan bürosunun məlumatına görə, açılış lentini Ayvaz Həsənovun oğlu Dursun Həsənov və Azərbaycanın Gürcüstandakı səfiri Namiq Əliyev kəsiblər. Sonra Gürcüstanın və Azərbaycanın dövlət himnləri səsləndirilib.

Tədbiri Marneuli rayon bələdiyyəsinin sədri Ayvaz İsmayılov açaraq ilk sözü Kvemo-Kartli bölgə qubernatorunun müavini Hüseyn Yusifova verib. Qubernator müavini uzun illər Gürcüstanda müxtəlif məsul vəzifələrdə çalışan, sovet dövründə Gürcüstan Ali Sovetinin deputatı, Gürcüstan kənd təsərrüfatı nazirinin müavini olan Ayvaz Həsənovun xalqa yaxın bir insan olduğunu söyləyib: “Ayvaz Həsənov gürcü və Azərbaycan xalqları arasında özülü möhkəm olan möhtəşəm bir körpü idi”.

Sonra Azərbaycanın Gürcüstandakı səfiri Namiq Əliyev, Gürcüstan parlamentinin deputatı Azər Süleymanov, ARDNŞ-in Gürcüstan nümayəndələyinin nümayəndəsi Arif Əliyev, Marneuli rayon Mədəniyyət Şöbəsinin müdiri Emzar Nikoladze, Gürcüstan parlamentinin keçmiş deputatı Hidayət Hüseynov, “Gürcüstan” qəzetinin redaktoru Süleyman Süleymanov, “Ozan” qəzetinin redaktoru Kamil Kirəcli, şair Qurban Əzizli və başqaları çıxış edərək görkəmli el ağsaqqalı Ayvaz Həsənov haqqında xoş xatirələrini dilə gətiriblər.

Tədbirin sonunda Borçalının ustad aşıqlarından Aşıq Məhəmməd Sadaxlı və Aşıq Qərib çıxış ediblər.

Görarxı mədəniyyət və istirahət parkında Ayvaz Həsənovun yenidən bərpa olunmuş büstünün də açılışı olub.

Azərbaycan_Gürcüstan