Diaspor

Ana səhifə

Diaspor

Azərbaycanlı iş adamı Nevada qubernatorluğuna namizədi müəyyənləşdirmək üçün keçirilən ilkin seçkilərdə üçüncü yeri tutub

10 iyun 2010 09:17 (UTC +04:00)

APA-nın Vaşinqton müxbirinin verdiyi məlumata görə, iyunun 8-də ilkin seçkilər keçirilib, seçkilərin nəticələri dünən elan olunub. Eyni zamanda Amerikada yaşayan türklərin dostu senator, respublikaçı Syu Louden (Sue Lowden) ilkin seçkilərdə Nevadadan senator postu uğrunda Harri Reidlə (Harry Reid) mübarizə aparıb. Syu Louden 26% səs toplayaraq ikinci olub. ABŞ-da yaşayan ermənilər Denni Tarkanyan (Danny Tarkanian) və Co Skott Aşcian (Joe Scott Ashjian) da noyabrda əsas seçkilərdə Harri Reidlə mübarizə aparmaq üçün bəxtlərini sınayıblar.
Pol Murad partiyadaxili ilkin seçkilərdə 15.5% səs toplayaraq üçüncü yeri tutub. Əvvəllər heç vaxt siyasi vəzifə tutmayan Pol Murad ictimai rəyi öyrənmək üçün keçirilən bütün sorğularda birinci olub. On ilə yaxın siyasətdə olan Cesika Sferraza (Jessica Sferrazza) isə 41% səs toplayıb.
Amerika Azərbaycanlıları Şəbəkəsi (USAN) Pol Murad və Syu Loudeni dəstəkləyir. Ştatda, eyni zamanda internetdə böyük kampaniyalar keçirilir. 35 yaşlı Pol Muradın Nevada ştatının siyasətində dəyişiklik etmək üçün çoxlu imkanları var. ABŞ-da yaşayan azərbaycanlılar gələcəkdə də onu dəstəkləməyə hazırdır.
“Gənc və o qədər də çoxsaylı olmayan diaspora, Amerikalı azərbaycanlılar, daha qətiyyətlə hərəkət edən Amerikalı türklər – Pol Murad, leytenant Con Nəimi Amiral, doktor Con Vəfai, doktor Söhrab Rob Sübhani, Nazlı Pərvizi, həmçinin Öz Bengur, doktor Ceyms Rifat Sivisoğlu, siyasi vəzifələr tutmaq üçün bəzən uğurlu, bəzən də uğursuz cəhdləri ilə fəxr edirlər”. Bu fikirləri USAN-ın yaydığı bəyanatda öz əksini tapıb.
Bu arada siyasi küləklərin təsiri altında partiya mənsubiyyətini respublikaçılardan Tea Party hərəkatına dəyişən Amerikalı erməni namizəd Co Skott Aşcian seçkilərdən bir həftə əvvəl Xatirə Günündə iflasa uğradığını bəyan edib və səs almayaraq seçki mübarizəsindən kənarlaşıb.
Daha ciddi amerikalı erməni namizəd, məşhur basketbol məşqçisinin oğlu Denni Tarkanyan, 23 faiz səslə üçüncü olub. Syu Louden 26 faiz səslə onu geridə goyub.