Diaspor

Ana səhifə

Diaspor

Şimali Kiprdə təhsil alacaq Gürcüstanda yaşayan azərbaycanlı gənclərlə görüş keçirilib - FOTO

Şimali Kiprdə təhsil alacaq Gürcüstanda yaşayan azərbaycanlı gənclərlə görüş keçirilib - <font color=red>FOTO</font>

09 avqust 2010 13:42 (UTC +04:00)

Marneuli. Nizami Məmmədzadə - APA. Bu gün Marneulidə Azərbaycanlıların Mədəniyyət Mərkəzində Şimali Kipr Türk Cümhuriyyətinin (ŞKTC) Yaxın Doğu Universitetində təhsil almaq istəyən gənclərlə görüş keçirilib. APA-nın Gürcüstan bürosunun məlumatına görə, görüşdə Azərbaycanın Diasporla İş üzrə Dövlət Komitəsinin şöbə müdiri Füzuli Nəcəfov, Yaxın Doğu Universitetinin prorektoru, professor Fəxrəddin Məmmədov, Azərbaycanlıların Mədəniyyət Mərkəzinin (AMM) sədri Fazil Həsənov, Gürcüstan Azərbaycanlıları Konkresinin sədri Əli Babayev, AMM-in təhsil şöbəsinin müdiri Mikayıl Mustafayev və jurnalistlər iştirak edib.
Füzuli Nəcəfof çıxış edərək Yaxın Doğu Universitetində təhsil almaq istəyən tələbələrə Azərbaycan dövlətinin qayğısından söhbət açıb.
Tədbirdə qərara alınıb ki, sentyabrın 5-dək qəbul edilmiş sənədlərdə buraxılan səhvlər düzəldilsin və universitetə ən layiqli və bütün fənlərdən yüksək nəticələr əldə etmiş gənclər qəbul edilsin. Sentyabrın 8-10-da isə qəbul olunan tələbələr Şimali Kiprə yola düşəcəklər.

Qeyd edək ki, Azərbaycanın Diasporla İş üzrə Dövlət Komitəsinin Yaxın Doğu Universiteti ilə bağladığı müqaviləyə əsasən Gürcüstanda yaşayan azərbaycanlı gənclər üçün həmin təhsil ocağında müxtəlif ixtisaslar üzrə 20 yer ayrılıb.
Yaxın Doğu Universitetinin prorektoru, professor Fəxrəddin Məmmədov APA-ya açıqlamasında bildirib ki, bu layihə 6 ay bundan əvvəl ortaya çıxıb: “Biz Gürcüstanda yaşayan azərbaycanlıların iqtisadi vəziyyətini nəzərə alaraq belə qərar verdik ki, onlara ödənişsiz oxumaq imkanı verək. Həm də onları yataqxanalarla təmin edək. Biz bu tələbələrə bir ildə 100 min avro vəsait sərf edəcəyik. Bu isə beş ildə yarım milyon avro təşkil edir. Bu, Şimali Kiprin Gürcüstana təhsil sahəsində yatırımı deməkdir. Biz bunu azərbaycanlılar üçün etmişik. Gənclərin təhsili ilə əlaqədar biz Azərbaycanın Diasporla İş üzrə Dövlət Komitəsi ilə protokol imzalamışıq. Azərbaycanın millət vəkili Qənirə Paşayeva bir neçə dəfə Şimali Kiprə gəlib və universitetimizdəki təhsillə, şəraitlə yaxından maraqlanıb”.

F. Məmmədov onu da deyib ki, onlar gələn ildən gürcü gənclərinə də yer ayıracaqlar.