Diaspor

Diaspor

Voloqdada Heydər Əliyevin memorial xatirə lövhəsinin təntənəli açılış mərasimi keçirilib

05 noyabr 2010 10:25 (UTC +04:00)

Bakı-APA. Ümumrusiya xalqlarının birlik günü münasibəti ilə Rusiyanın Voloqda şəhərində, Belyayev adına parkda Heydər Əliyevin SSRİ Nazirlər Soveti sədrinin birinci müavini vəzifəsində çalışdığı dövrdə sözü gedən parkda əkdiyi ağacın önündə ulu öndərin memorial xatirə lövhəsinin təntənəli açılış mərasimi keçirilib.

Azərbaycanın Sankt-Peterburq şəhərindəki Baş Konsulluğunun mətbuat xidmətindən APA-ya verilən məlumata görə, mərasimdə Voloqda vilayətinin vitse-qubernatoru Nikolay Vinoqradov, Voloqda şəhərinin meri Yevqeniy Şulepov və digər rəsmi şəxslər, ictimaiyyət nümayəndələri, Sankt-Peterburqda akkreditə olunmuş Ukrayna, Belçika, Belarus, Qırğızıstan, Rumıniya, Tacikistan, Anqola, Peru və digər diplomatik missiya rəhbərləri, RF XİN-in Sankt-Peterburqdakı nümayəndəsi, Azərbaycan diaspor üzvləri, şəhərdə təhsil alan tələbələr, Rusiya və Azərbaycan kütləvi informasiya vasitələri nümayəndələri iştirak ediblər.

Memorial xatirə lövhəsinin acılışında cıxış edən Voloqda Vilayətinin vitse-qubernatoru N.Vinoqradov Azərbaycanın tərəqqisinə ömrünü həsr etmiş dünya şöhrətli siyasətçi Heydər Əliyevin həmcinin Azərbaycan-Rusiya arasında dostluq əlaqələrində də əvəzsiz xidmətlərini vurğulayıb. O qeyd edib ki, belə bir bayram günündə mermorial löhvənin acılışı iki dost ölkənin münasibətlərinin daha da sıx olmasına zəmin yaradacaq.

Voloqda şəhərinin meri Yevqeniy Şulepov Heydər Əliyevin Azərbaycan-Rusiya əlaqələrinin inkişafında oynadığı rolu qeyd edərək, dahi rəhbərin ikitərəfli əlaqələrdə əsl dönüş yaratdığını vurğulayıb. Y. Şulepov görkəmli dövlət xadiminin Voloqda vilayətinin inkişafındakı rolundan danışaraq xatirə albomunda Heydər Əliyevin səfərləri zamanı cəkilən foto şəkilləri nümayiş etdirib.

Azərbaycanın Sankt-Peterburqdakı baş konsulu Qudsi Osmanov acılışda Heydər Əliyevin siyasi həyatı və Azərbaycan xalqı qarşısında yüksək xidmətləri barədə danışaraq ulu öndərin Azərbaycandan kənarda yaşayan həmvətənlərinə daim yüksək diqqət və qayğı göstərdiyini bildirib. O, Voloqda şəhərinin sakinlərinin təşəbbüsü ilə ulu öndərin memorial löhvəsinin məhs Ümumrusiya xalqlarının birlik günü münasibətilə acılması bizim xalqlar arasındakı dostluğun baris nümunəsi olduğunu qeyd edib. Baş Konsul ümummilli lider Heydər Əliyevin siyasi irsini uğurla davam etdirən prezident İlham Əliyevin apardığı uğurlu siyasətin nəticəsi olaraq Rusiya ilə Azərbaycan arasındakı dostluq və qardaşlıq münasibətlərin yüksək templə inkişaf etdiyini vurğulayıb.

Q. Osmanov çıxışının sonunda Voloqda şəhərinin meri Yevqeniy Şulepova Heydər Əliyevin Rusiyada siyasi fəaliyyətinin əks etdirən “V Rossii çast moey duşi...” adı kitabı hədiyyə edib. Voloqda vilayəti xalqlarının assambleyasının sədri Aleksandr Bolotov Azərbaycan Respublikasının müstəqilliyində Heydər Əliyevin xidmətlərini, onun müdrik siyasi və dövlət xadimi olduğunu, bütün gücünü və enerjisini vətənin inkişafı və tərəqqisinə həsr etdiyini söyləyib. Daha sonra Memorial xatirə löhvəsinin rəsmi acılış mərasimi keçirilib. Tədbirin sonunda Heydər Əliyevin xatirə lövhəsinin önünə gül dəstələri qoyulub.