Diaspor

Ana səhifə

Diaspor

ABŞ-dakı Azərbaycan və Türk diasporları qondarma “erməni soyqırımı” qətnaməsinin müzakirəyə çıxarılmaması üçün konqresmenlərə məktub ünvanlayıblar

21 dekabr 2010 09:07 (UTC +04:00)

APA-nın Vaşinqtondakı müxbirinin verdiyi məlumata görə, diasporlar prezident Barak Obama, həmçinin Senat və Nümayəndələr Palatasına məktub göndərərək qətnamə layihəsinin Nümayəndələr Palatasında səsə qoyulmasının qarşısını almağa çağırıblar.
ABŞ Dövlət Departamenti bəyan edib ki, onlar bu cür sənədlərin qəbul olunmasının qarşısını almaq üçün Konqreslə birgə fəaliyyət göstərirlər.
Bu arada Amerikada yaşayan ermənilər və uydurma soyqırımın tanınmasının tərəfdarları ABŞ-da qətnamə layihəsinin səsə qoyulmasını dəstəkləmək üçün birləşməyə davam edirlər.
Keçən həftə Kaliforniyadakı erməni gənclər təşkilatı “Los Angeles Lakers” basketbol klubunun oyunçusu Kobi Brayntın (Kobe Bryant) Türk Hava Yollarının reklam filmində çəkilmək üçün müqavilə imzalamasına qarşı böhtan kampaniyasına start veriblər. Onlar Brayntdan müqavilədən imtina etməyi və ya uydurma “erməni soyqırımı”nı tanımağı tələb edirlər.
Azərbaycan-Amerika Şurasının üzvləri prezident Obamaya məktub göndərərək xatırladıblar ki, Amerikadakı ermənilərin aksiyaları fırıldaq işlədərək ABŞ tibbi sığorta sistemini 163 milyon dollar ziyana salan, Ermənistan hökuməti ilə əlaqələri olan ABŞ və Ermənistan vətəndaşlarından ibarət cinayətkar dəstəsinin işi üzrə istintaqla eyni vaxta təsadüf edir. Bundan əlavə, keçən həftə Wikileaks 2008-ci ildə Ermənistanın İrana silah göndərməsi faktını açıqlayıb. ABŞ-ın Ermənistandakı səfirliyindən verilən məlumata görə, Ermənistan prezidenti Sarkisyanın razılığı ilə İrana göndərilən silahlar İraqdakı şiə yaraqlılarına ötürülüb.
“Biz Amerikada yaşayan bütün türklərə qoşularaq ABŞ-dakı ermənilərin aksiyalarını kəskin şəkildə pisləyirik və hesab edirik ki, sevilən basketbolçu əleyhinə irqçi kampaniya aparmaq və ya Konqresdə mübahisəli tarixlə bağlı qanunun qəbuluna cəhd etmək əvəzinə bu qruplar öz ölkələrindəki ciddi problemlərlə məşğul olsalar, daha yaxşı olar.”