Diaspor

Ana səhifə

Diaspor

Litvanın orta məktəblərində Azərbaycan mövzusunda keçirilən beynəlxalq müsabiqəyə yekun vurulub - FOTO

Litvanın orta məktəblərində Azərbaycan mövzusunda keçirilən beynəlxalq müsabiqəyə yekun vurulub - <font color=red>FOTO</font>

24 dekabr 2010 11:09 (UTC +04:00)

Bakı-APA. Vilnüsdə Milli incəsənət məktəbinin konsert zalında Litva məktəbliləri arasında keçirilmiş “Azərbaycan mənim gözlərimlə” beynəlxalq müsabiqəsinin yekun mərasimi olub.
Diasporla İş Üzrə Dövlət Komitəsinin mətbuat xidmətindən APA-ya verilən məlumata görə, yekun mərasimində Azərbaycan Litvadakı səfiri Nairə Şahtaxtinskaya, Türkiyənin Litvadakı Səfirliyinin 1-ci katibi Şayda Hanbay, Litvanın təhsil və elm naziri Gintaras Stəponaviçyus, Litva Seyminin İqtisadiyyat komitəsinin sədri, millət vəkili Daynyus Budris, Litva Mədəniyyət nazirinin müavini Deyvidas Staponkus, Azərbaycanın Diasporla iş üzrə Dövlət Komitəsinin şöbə müdiri Surəddin Hümbətov və başqa rəsmilər, ölkənin tanınmış elm, mədəniyyət, incəsənət və siyasət xadimləri, bir sıra nüfuzlu ictimai təşkilatların rəhbərləri, milli azlıq qurumlarının nümayəndələri və başqaları iştirak ediblər.

Qeyd edək ki, müsabiqəni Litva azərbaycanlıları cəmiyyəti bu ölkənin Təhsil və Elm Nazirliyi, Litva Milli İcmalar Evi və Litva gənclərinin turizm mərkəzi ilə birgə təşkil edib. Layihəyə maliyyə dəstəyini isə Azərbaycanın Diasporla iş üzrə Dövlət Komitəsi göstərib.
Müsabiqə Litva-Azərbaycan mədəniyyətlərarası dialoqu layihəsi çərçivəsində bu ölkənin ümumtəhsil məktəblərinin 7-12-ci siniflərində oxuyan şagirdləri arasında keçirilib.

Nəticələrə görə, 30 şagird birinci, ikinci və üçüncü yerlərə layiq görülüb. Müsabiqənin yekun tədbirində və laureatların mükafatlandırma mərasimində 141 nəfər müsabiqə işinin müəllifləri və onların müəllimləri dəvət olunub. Yekun tədbirində 300-dən çox şagird, onların valideynləri və müəllimlər iştirak ediblər. Mərasimdə iştirak etmiş bütün şagird və müəllimlərə xatirə hədiyyələri və Litva Təhsil və Elm Nazirliyinin fəxri fərmanları, sponsorların hədiyyələri, Litva gəncləri turizm mərkəzinin təşəkkür məktubları təqdim edilib. 30 qalib şagird isə Azərbaycan Diasporla iş üzrə Dövlət Komitəsinin xüsusi hədiyyələri ilə mükafatlandırılıb.