Diaspor

Diaspor

ABŞ-ın ən çox dinlənilən rusdilli radiosunda Azərbaycana həsr olunmuş veriliş yayımlanıb

27 dekabr 2010 16:50 (UTC +04:00)

Dünya Azərbaycanlılarının Həmrəylik Günü münasibətilə yayımlanan verilişdə Azərbaycanın BMT yanında daimi nümayəndəsi, səfir Aqşin Mehdiyev və Azərbaycanın Nyu-Yorkdakı diaspor nümayəndələri iştirak ediblər.

Azərbaycanın BMT yanında Daimi Nümayəndəliyindən APA-ya verilən məlumata görə, verilişdə çıxış edən A. Mehdiyev Azərbaycan rəhbərliyi tərəfindən aparılan diasporla iş siyasəti, dövlət tərəfindən diaspora göstərilən qayğı və bu qayğının nəticəsi olaraq görülmüş tədbirlər, eyni zamanda ölkəmizdə hazırda mövcud siyasi sabitlik, iqtisadi inkişaf və tərəqqi barədə məlumat verib.

A. Mehdiyev Azərbaycan reallıqlarını dünyaya çatdırılmasında diasporun rolunun vacibliyini vurğulayaraq, bu istiqamətdə son illərdə diaspor tərəfindən həyata keçirilmiş müxtəlif tədbirlər barədə (Nyu-Yorkda Azərbaycan dilində məktəbin açılması, ingilis və Azərbaycan dillərində qəzetin çap etdirilməsi, ABŞ-da yayımlanan “Radioturkum”da Azərbaycan haqqında silsilə verilişlərin efirə getməsi, Nyu-Yorkda milli rəqs ansamblımızın fəaliyyəti və s.) məlumat verib.

Daimi nümayəndə və diaspor üzvləri daha dinləyicilərin suallarını cavablandırıblar.

Azərbaycan_ABŞ