Diaspor

Diaspor

Qondarma “erməni soyqırımı” qətnaməsi Kaliforniyanın yerli assamleyasında gündəmə gəlib

28 yanvar 2011 09:23 (UTC +04:00)

APA-nın Vaşinqton müxbirinin məlumatına görə, qətnamənin müəlliflərindən biri, Assambleyanın ermənipərəst üzvü Mayk Gettom (Mike Gattom) bildrib ki, Kaliforniya Assambleyası və ABŞ Konqresi aprelin 24-ə kimi bu məsələni müzakirə etməlidir.

ABŞ-da yaşayan azərbaycanlılar və türklər isə öz növbələrində bu təklifə qarşı mübarizə aparacaqlarını bəyan ediblər.

Bu arada türk diasporu 1973-cü il yanvarın 27-də Kaliforniyanın Santa Barbara şəhərində ermənilər tərəfindən törədilmiş terror aktının qurbanlarını yad ediblər.

“Erməni əsilli ABŞ vətəndaşı Qurgen Yanikyan Türkiyənin Los-Ancelesdəki baş konsulu Mehmet Baydarı və vitse-konsul Bahadır Dəmiri oteldəki nömrəsinə Türkiyə hökumətinə “hədiyyə” vermək bəhanəsilə dəvət edərək qətlə yetirib. Diplomatların qətlindən dərhal sonra Yanikyan polisə təslim olub və Kalifroniya ştatının Ali Məhkəməsi tərəfindən ömürlük həbs cəzasına məhkum edilib. On il sonra Kaliforniyanın erməni əsilli qubernatoru Corc Dukmeciyan Yanikyanın azad edilməsi barədə göstəriş verib. Həbsxanadan çıxdıqdan az sonra Yanikyan öz əcəli ilə ölüb”, - deyə türk diasporunun anım məktubunda deyilir.

Azərbaycan və türk diasporları günahsız insanlara qarşı tərədilmiş bu zorakılıq aktını pisləyib və faciənin qurbanlarını dərin kədərlə yad edib.

“erməni_soyqırımı”