Diaspor

Ana səhifə

Diaspor

Amerikadakı Azərbaycan diasporu türk icması ilə birlikdə Xocalı soyqırımının tanınması ilə bağlı yeni kampaniyaya başlayıblar

04 fevral 2011 08:00 (UTC +04:00)

Onlar ABŞ administrasiyasına, o cümlədən prezident Barak Obamaya, vitse-prezident Co Baydenə, dövlət katibi Hilari Klintona, həmçinin konqresmen və senatorlara məktub göndərirlər. APA-nın Vaşinqton müxbirinin verdiyi məlumata görə, ABŞ-ın azərbaycanlı və türk icmaları insanlığa qarşı törədilmiş bu cinayətin qurbanları və günahkarları üçün ədalət tələb edirlər. “2011-ci il fevralın 26-da Amerikada yaşayan azərbaycanlı və türklər 1991-1994-cü il Dağlıq Qarabağ müharibəsinin gedişində Azərbaycanın Xocalı şəhərinin işğalı zamanı erməni qüvvələri tərəfindən törədilmiş qətliamın 19-cu ildönümünü yad edəcəklər. İnsan Hüquqlarının Qorunmasına Nəzarət Təşkilatının (Human Rights Watch) məlumatına görə, işğalçı qüvvələr 613 insanı, o cümlədən 106 qadın və 83 uşağı amansızlıqla qətlə yetiriblər. Srebrenitsa qətliamından da dəhşətli olan bu cinayəti törədənlər hələ də məsuliyyətə cəlb olunmayıb və cəzalarını almayıblar”.