Diaspor

Ana səhifə

Diaspor

Xocalı soyqırımının 19-cu ildönümü Dnepropetrovsk şəhərində qeyd olunub - FOTOSESSİYA

Xocalı soyqırımının 19-cu ildönümü Dnepropetrovsk şəhərində qeyd olunub - <font color=red>FOTOSESSİYA</font>

21 fevral 2011 13:07 (UTC +04:00)

Bakı - APA. Dnepropetrovsk (Ukrayna) şəhərində Xocalı soyqırımının 19-cu ildönümü ilə bağlı küçə yürüşü və anım mərasimi keçirilib.

APA-nın məlumatına görə, tədbir İslam Konfransı Gənclər Forumunun, Ukrayna Azərbaycanlı Gənclər Birliyinin və Dnepropetrovsk Azərbaycanlıları Konqresinin birgə təşkilatçılığı ilə baş tutub.

Dnepropetrovsk vilayət və şəhər rəsmilərinin və bir çox xalqların diaspora rəhbərlərinin iştirakı ilə keçirilən anım mərasimində Dnepropetrovsk Azərbaycanlıları Konqresinin sədri Qüdrət Hacıyev, Dnepropetrovsk şəhər merinin milli məsələlər üzrə müşaviri Hafiz Aslanov, Azərbaycan səfirliyinin əməkdaşı Yeganə Qafqazlı, Azərbaycan Əsir, girov və itkin düşmüş şəxslərin işi üzrə Dövlət Komissiyasının üzvü Rauf İbrahimov və digər soydaşlarımız çıxış edərək, 19 il öncə Xocalı şəhərində törədilmiş vəhşilikləri erməni daşnaklarının son iki əsrdə Azərbaycan xalqına qarşı həyata keçirdiyi mərhələli soyqırım siyasətinin tərkib hissəsi kimi qiymətləndiriblər.

Sonra tədbir iştirakçılarına erməni terrorundan bəhs edən sənədli film nümayiş etdirilib. Filmə baxdıqdan sonra çıxış edən Dnepropetrovsk vilayətində fəaliyyət göstərən Yunan diasporunun sədri Camali Saqirov, Polyak cəmiyyətinin sədri Antoni Yanovski, “Boris Fen” jurnalının baş redaktoru Fidel Suxanis və digər xalqların diaspora rəhbərləri ermənilərin Xocalı şəhərində törətdiyi qəddarlıq aktını Azərbaycan xalqına qarşı əsl soyqırım siyasəti kimi səciyyələndiriblər, beynəlxalq təşkilatların indiyədək insanlığa yönəlik belə bir bəşəri cinayətə hüquqi siyasi qiymət verməməsindən təəssüfləndiklərini bildiriblər.

Ermənilərin Xocalı soyqırımına görə beynəlxalq məhkəmə qarşısında cavab verməli olduğunu deyən Dnepropetrovsk Vilayət Radasının deputatı Fəxrəddin Muxtarov faciəyə hüquqi-siyasi qiymət verilməsi ilə bağlı məsələnin təmsil olunduğu parlamentin gündəliyinə çıxarılacağını bildirib.

Ukrayna Azərbaycanlı Gənclər Birliyinin sədri Anar Tahirov, birliyin Dnepropetrovsk təşkilatının sədri Elza Bəkirova və digər gənclər aradan 19 il keçməsinə baxmayaraq, Xocalı soyqırımına ikili standartlardan yanaşan beynəlxalq təşkilatları tarixi ədalətə səsləyiblər.