Diaspor

Ana səhifə

Diaspor

Türkiyədə Qənirə Paşayeva ilə Həvva Məmmədovanın “Hocalı Soykırımı: tanıkların dilinden” kitabının təqdimatı keçirilib

21 fevral 2011 15:18 (UTC +04:00)

Bakı-APA. Türkiyənin Yalova şəhərində Əsassız Erməni İddiaları ilə Mücadilə Federasiyasının təşkilatçılığı ilə Xocalı soyqırımının 19-cu ildönümünə həsr olunmuş anım tədbirləri keçirilib. APA-nn xəbərinə görə, tədbirdə Türkiyə Böyük Millət Məclisinin üzvləri, Azərbaycanın millət vəkilləri, QHT rəhbərləri iştirak ediblər.

Azərbaycanın İstanbuldakı baş konsulu Həsən Zeynalov, millət vəkili Sabir Rüstəmxanlı çıxışlarında Ermənistanın Xocalıda dinc azərbaycanlılara qarşı törətdiyi soyqırım barədə ətraflı məlumat veriblər.

Millət vəkili Qənirə Paşayeva çıxışında Ermənistanın işğal altında saxladığı Azər¬baycan torpaqlarında törətdiyi vandalizm aktları, azərbaycanlılara məxsus tarixi-mədəni, dini abidələri və qəbiri¬stanlıqları dağıtmaları, Xocalı soyqırımı da daxil olmaqla dinc azər¬baycanlılara qarşı törədilən soyqırım aktları, həmçinin, 1 milyon azər¬bay¬canlı qaçqın və məcburi köç¬künün öz yurd-yuvasına dön¬mə¬sinə imkan verilməməsi barədə tədbir iştirakçılarına geniş məlumat verib: “Xocalı soyqırımı Türklərə qarşı törədilmiş bir soyqırım olaraq bütün Türk dünyasının problemidir. Bu soyqırımı törədənlərin öz layiqli cəzalarını alması, dünyanın bu soyqırımı pisləməsi və tanıması istiqamətində bütün Türk dünyası fəal iş aparmalıdır”.

Xocalı soyqırımının şahidi olan millət vəkili Elman Məmmədov Ermənistanın Xocalıda törətdiyi soyqırım dəhşətləri, fevralın 25-dən 26-na keçən gecə Ermənistan Silahlı Qüvvələrinin dinc insanlara qarşı həyata keçirdiyi dəhşətli qətliamlardan danışıb.

Azəri-Türk Qadınlar Birliyinin sədri Tənzilə Rüstəmxanlı isə qeyri-hökumət təşkilatlarını, qadın cəmiyyətlərini azərbaycanlılara qarşı törədilmiş soyqırımların dünyaya tanıdılması istiqamətində daha fəal mübarizəyə çağırıb.

Tədbirdə çıxış edən Türkiyənin ictimai-siyasi xadimləri, elm adamları, qeyri-hökumət təşkilatları rəhbərləri də Xocalı soyqırımını törədən Ermənistanı pisləyiblər. Onlar dünyanın Ermənistanın törətdiyi bu cinayətlərə laqeyd münasibətinin hiddət doğurduğunu deyiblər.

Tədbir çərçivəsində Ermənistanın Xocalıda törətdiyi soyqırımı əks etdirən foto-sərgi keçirilib. Eyni zamanda və millət vəkili, siyasi elmlər üzrə fəlsəfə doktoru Qənirə Paşayeva ilə Dağlıq Qarabağın Azərbaycanlı İcmasının İdarə heyətinin üzvü Həvva Məmmədovanın həmmüəllifliyi ilə Türkiyə türkcəsində hazır¬lanmış, “Hocalı Soykırımı: tanıkların dilinden” kitabının təqdimatı da olub.

Kitabda Xocalı soyqırımı şahidlərinin, ermənilərin əsir və girovluğunda amansız işgəncələrə məruz qalmış Xocalı sakinlərinin xatirələri yer alıb.