Diaspor

Ana səhifə

Diaspor

Gürcüstanlı alim: “Xocalı faciəsini törədən cinayətkarlar cəzalandırılmalıdırlar” - FOTO

Gürcüstanlı alim: “Xocalı faciəsini törədən cinayətkarlar cəzalandırılmalıdırlar” - <font color=red>FOTO</font>

23 fevral 2011 13:46 (UTC +04:00)

Marneuli. Nizami Məmmədzadə - APA. Gürcüstanın Marneuli rayonunda Azərbaycanlıların Mədəniyyət Mərkəzində (AMM) Xocalı soyqırımının 19-cu ildönümünə həsr olunan tədbir keçirilib. APA-nın Gürcüstan bürosunun məlumatına görə, AMM-in rəhbəri Fazil Həsənov faciə barədə tədbir iştirakçılarına və mərasimə qatılan gürcü ictimaiyyət nümayəndələrinə məlumat verib. Azərbaycanın Gürcüstandakı səfiri Namiq Əliyev Xocalı soyqırımı barədə dünya ictimaiyyətinin məlumatı olduğunu bildirib və bu soyqırımın böyük dövlətlərdə yad edildiyini qeyd edib. Səfir bildirib ki, bununla bağlı Gürcüstanda silsilə tədbirlər keçiriləcək: “Gürcü alimlərində Xocalı barədə kifayət qədər məlumatları var və onlar lazım gələndə bu məsələ ilə əlaqədar öz fikirlərini deyirlər. Sağlam qüvvələr birləşib ermənilərin yeritdiyi təcavüzkar siyasətə qarşı birlikdə cavab verməlidirlər".
Gürcüstanın sosial-siyasi araşdırmalar mərkəzinin rəhbəri, professor Levan Metreveli, Cənubi Qafqaz Araşdırmalar İnstitutunun direktor müavini, "Mir" telekanalının Gürcüstan nümayəndəliyinin rəhbəri Badri Naçkebiya, Gürcüstan parlamentinin deputatı Azər Süleymanov, Kvemo-Kartli bölgə qubernatorunun müavini Hüseyn Usubov və başqaları tədbirdə çıxış ediblər.

Gürcüstanın Sosial-siyasi araşdırmalar mərkəzinin rəhbəri, professor Levan Metreveli APA-ya açıqlamasında gürcü ictimaiyyətinin Xocalı faciəsi haqqında məlumatı olduğunu bildirib: “Düşünürəm ki, Xocalı barədə hələ çox geniş məlumatlar yayılmalı, təbliğat gücləndirilməlidir. Ona görə yox ki, kimsə-kimdənsə qisas almalıdır. Sadəcə, həqiqət üzə çıxmalıdır. Xocalı faciəsini törədən cinayətkarlar üzə çıxarılmalı və onlar cəza almalıdırlar. Bu baş verərsə, Gürcüstanın başına gətirilən oyunlar da cəzasız qalmaz. Bu gün həqiqət odur ki, bizə informasiya hücumları edilir. Bizi sözlə öldürmək istəyirlər. Biz bu hücumlara həmişə hazır olmalıyıq. Bu günlərdə bir dostum mənə Ermənistanda çap olunan bir kitab gətirib. Kitab "Ermənistanın qədim xristian abidələri" adlanır. Burada ermənilər qədim gürcü və Azərbaycan abidələrini erməniləşdiriblər. Bu informasiya müharibəsində biz birlikdə ümumi addımlar atmalı və bu istiqamətdə məqsədyönlü işlər həyata keçirməliyik”.

Xocalı _ Gürcüstan