Diaspor

Diaspor

Azərbaycan-Fransa Gənclik Assosiasiyası Parisdə Xocalı soyqırımının 19-cu ildönümü ilə bağlı anım mərasimi keçirəcək

24 fevral 2011 12:29 (UTC +04:00)

Bakı-APA. Azərbaycan-Fransa Gənclik Assosiasiyası sabah Xocalı soyqırımının 19-cu ildönümü ilə bağlı Parisdə toplantı keçirəcək. Assosiasiyadan APA-ya verilən məlumata görə, proqrama uyğun olaraq, əvvəlcə soyqırımı qurbanlarının xatirəsi yad olunacaq, erməni barbarlarının törətdikləri əsrin cinayəti haqqında plakatlar nümayiş etdiriləcək və nitq söylənəcək, iştirakçılara Xocalı soyqırımı və eləcə də Azərbaycan torpaqlarının işğalı barəsində ətraflı məlumat veriləcək. Eyni zamanda Parisdə açıq hava sərgisinin təşkili nəzərdə tutulur. "Xocalı uşaqların gözü ilə" adlı sərgidə uşaqlar tərəfindən çəkilmiş rəsm əsərləri nümayiş etdiriləcək.