Diaspor

Ana səhifə

Diaspor

ABŞ ştat qanunvericiliyi tarixində ilk dəfə olaraq Azərbaycan diasporu haqqında qətnamə qəbul edilib

14 mart 2011 09:26 (UTC +04:00)

APA-nın Vaşinqton müxbirinin verdiyi məlumata görə, Azərbaycan diasporunun hər il apardığı fəal kampaniya nəticəsində, Texaslı qanunverici Skott Hoçberq (Scott Hochberg) tarixi addım ataraq, Texas ştatının Nümayəndələr Palatasına ştat qanunvericiliyinin tarixində ilk dəfə olaraq Ameriakli azərbaycanlılar haqqında qətnamə layihəsi təqdim edib və onun qəbuluna nail olub.

220 saylı qətnaməyə görə, Texas ştatının 82-ci qanunvericiliyinin Nümayəndələr Palatası Hyuston şəhərinin Azərbaycanlı sakinlərini hörmətlə salamlayır və onlara gələcək fəaliyyətlərində uğurlar arzulayır.

“Hyuston sayı getdikcə artan və “Tənha Ulduz Ştatı”na (Texas) mühüm töhfələr verən Amerikalı azərbaycanlıların doğma şəhəridir. Hyuston-Bakı Qardaşlaşmış Şəhərlər Assosiasiyasının rəhbərliyi altında yerli azərbaycanlılar öz ana vətənlərinin tarixini və ənənələrini ştatın sakinləri ararsında təbliğ edirlər. Amerikalı azərbaycanlılar ölkəmizdə yaşayan xalqların və mövcud olan mədəniyyətlərin rəngarəng mozaikasını daha da zənginləşdirilər və həqiqətən də bu qürurlu və vətənpərvər qrupa ehtiram göstərilməlidir”.

Skott Hoçberq 1993-cü ildən Texas ştatının Nümayəndələr Palatasında cənub-qərbi Hyustonu təmsil edir. O, Palatanın Xalq Təhsili Komitəsinin sədr müavini və Palatanın Təxsisat Komitəsinin Təhsil üzrə Alt Komitəsinin sədridir.