Diaspor

Ana səhifə

Diaspor

Məşhur kanadalı jurnalist: ““Erməni soyqırımı” ifadəsini işlətmədiyim üçün erməni icması məni ölümlə hədələdi” - FOTO

Məşhur kanadalı jurnalist: ““Erməni soyqırımı” ifadəsini işlətmədiyim üçün erməni icması məni ölümlə hədələdi” - <font color=red>FOTO</font>

14 mart 2011 10:08 (UTC +04:00)

Diasporla İş üzrə Dövlət Komitəsinin mətbuat xidmətindən APA-ya verilən məlumata görə, seminarın qonağı və əsas məruzəçisi bir çox hərbi əməliyyatları izləmiş məşhur kanadalı jurnalist Scott Taylor olub. Seminarın başlanğıcında ilk olaraq Scott Taylorun İraq, Əfqanıstan, Afrika və keçmiş Yuqoslaviyadan çəkdiyi sənədli filmlərdən anonslar göstərilib.
Daha sonra “Azərbaycan – Ermənistan və Türkiyə, barışmamış ziddiyyətlər“ adlı kitab barədə geniş məlumat verilib. Bu kitabı yazdığına görə müxtəlif çətinliklərlə üzləşdiyini söyləyən Scott Taylor “erməni soyqırımı” ifadəsini işlətmədiyindən erməni icmalarını qəzəbləndiyini və təhdid olunduğunu bildirib. Kanadalı jurnalistin sözlərinə görə, onun ailəsini belə təhdid etməkdən çəkinməyən erməni icması özünü işdən çıxartdırmaqla, daha sonra isə ölümlə hədələyib.

Scott Taylor Kanada və İsveç parlamentlərinin “erməni soyqırımı”nı tanımalarının daxili siyasət amilləri ilə bağlı olduğunu və bunun başqa izahı olmadığını söyləyib: “Bir halda ki, Kanadanın fransız əhalisi 1837-ci ildə ingilislər tərəfindən soyqırımına məruz qalıb, minlərlə günahsız insan qətlə yetirilib və bu soyqırımı ilə bağlı Kanadada ingilis ədəbiyyatı və mənbələrində senzura tətbiq edilir və ondan söz açmaq qadağandır, necə olur ki, bu ölkənin parlamenti 95 il əvvəl baş verməsi hələ də təsdiq olunmayan, bir çox alimin nəzərində şübhəli qalan qondarma “erməni soyqırımı” məsələsini gündəmə gətirir və təsdiq edir? Bu ikili standartdır və qəbul edilə bilməz”.
Kanadalı jurnalist xaricdə yaşayan erməni diasporunun hətta Ermənistanda yaşayan ermənilərdən daha artıq dərəcədə fanatik milliyyətçi olduğunu deyib. Onun sözlərinə görə, Azərbaycanın Qarabağ və ətraf rayonlarının Ermənistan tərəfindən işğal olunması və hələ də işğal altında qalması xaricdəki erməni diasporunun maddi yardımı sayəsində mümkün olub: “Əgər BMT Ermənistana xaricdən maddi yardımlara sanksiya qoyarsa, bu işğal qısa zaman ərzində sona çata bilər”.
Scott Taylor çıxışının sonunda növbəti kitabının Cənubi Azərbaycana aid olacağını bildirib.