Diaspor

Ana səhifə

Diaspor

ABŞ Azərbaycanlıları Şəbəkəsi Vaşinqtonda tədbir təşkil edib

17 mart 2011 09:36 (UTC +04:00)

APA-nın Vaşinqton müxbirinin verdiyi məlumata görə, sadə adamların maraqlarını müdafiə edən ilk və ən böyük Azərbaycan-Amerika milli təşkilatı olan ABŞ-ın Azərbaycanlılar Şəbəkəsi, ABŞ Konqresini məlumatlandırmaq səyləri çərçivəsində, keçmiş və hazırkı konqres üzvləri, Konqresin Nümayəndələr Palatasının keçmiş və hazırkı sədrləri, hökümət rəsmilərinin şərəfinə ziyafət təşkil edib.

Ziyafətdə ABŞ Azərbaycanlıları Şəbəkəsinin həmtəsisçiləri və fəalları ilə birlikdə Ohayo ştatından olan respublikaçı və indiki sədr Con Boner, keçmiş spiker Denis Hastert (respublikaçı – İllinoys), keçmiş sədr Tom Foley (demokrat – Vaşinqton), Azlıqların keçmiş rəhbəri Dik Qefardt (demokrat – Missuri), azlıqların keçmiş rəhbəri Bob Miçel (respublikaçı - İllinoys), keçmişdə sədr seçilmiş Bob Livinqston (respublikaçı – Luiziana), indiki nəqliyyat naziri Rey LaHud, keçmiş nəqliyyat naziri Norman Mineta, senator Bob Mançin (respublikaçı - DB), konqresmen Dan Börton (Respublikaçı – İndiana), konqresmen Fil Qinqrey (Respublikaçı – Corciya), konqresmen Stiv Kohen (Demokrat – Tennessi) , keçmiş konqresmen Cim Slaytteri (Demokrat – Kanzas), keçmiş konqresmen xanım və səfir Konni Morella, Fransa, Yaponiya, Almaniya və digər ölkələrin səfirləri, eləcə də Türkiyədən nümayəndə heyəti iştirak ediblər.

Konqres üzvləri, o cümlədən Spiker Boner, senator Mançin, konqresmen Börton, konqresmen Qinqrey və digər qonaqlar, Azərbaycan-Amerika icması tərəfindən siyasi maarifləndirmə aparılması, federal və ştat rəsmiləri ilə daha çox əlaqələrin qurulması, KİV-də Azərbaycanın Dağlıq Qarabağ bölgəsinin Ermənistan tərəfindən işğal olunması barədə yayılan məlumatların artması istiqamətində ABŞ Azərbaycanlıları Şəbəkəsinin fəaliyyəti və əldə etdiyi nailiyyətlərlə tanış olublar.

ABŞ Azərbaycanlılar Şəbəkəsinin son nailiyyətlərindən olan Texas Parlamentinin Nümayəndələr Palatasında Amerika azərbaycanlıları ilə bağlı qəbul olunmuş ilk qətnamə Konqres rəhbərlərinə nümayiş etdirilib.

Tədbir təşkilatçılarının sözlərinə görə USAN Konqresi məlumatlandırmaq üçün tədbirləri davam etdirəcək.