Diaspor

Ana səhifə

Diaspor

Belçika baş nazirinin müavini: “Brüssel və Bakı arasında əməkdaşlıq vacibdir”

31 mart 2011 14:12 (UTC +04:00)

AAC-dan APA-ya verilən məlumata görə, qonaqlar arasında Belçika və digər Avropa İttifaqı (Aİ) ölkələrindən yüksək səviyyəli siyasi xadimlər, idman ictimaiyyətinin, media və biznes nümayəndələri, məşhur keçmiş futbolçu Kristian Karembeu, Belçika baş nazirinin müavini Didye Reynders, AFFA-nın baş katibi Elxan Məmmədov, Belçika parlamentlərinin və Avropa Parlamentinin üzvləri olublar.

AAC-ın rəhbəri və təsisçisi Tale Heydərov qonaqlara müraciətində bildirib ki, futbol real və xəyali sərhədləri aşır: “Bu məqsədlə belə mühüm beynəlxalq idman hadisəsinin həyəcanını paylaşmaq üçün Avropa Azərbaycan Cəmiyyəti Belçika və Avropa İttifaqı ölkələrindən əsas maraqlı tərəfləri Avro-2012 seçmə mərhələsinə dəvət edib. Bu, Avropa Azərbaycan Cəmiyyətinin əsas hədəflərindən birini, cəmiyyətin məqsəd və ambisiyaları ilə maraqlananları birləşdirmək hədəfini bir daha sübut edir”.

Didye Reynders isə Brüssel və Bakı arasında əməkdaşlığın vacibliyini vurğulayıb: “İqtisadiyyat, siyasət və mədəniyyət sahəsində mübadiləni davam etdirmək həm Belçika, həm də Azərbaycan üçün böyük əhəmiyyət kəsb edir. Avropa Azərbaycan Cəmiyyəti yaxşı başa düşür ki, bu cür tədbirlər müsbət və aktiv ikitərəfli əlaqələrə böyük töhfə verir”.

Sonda çıxış üçün söz Elxan Məmmədova verilib. “Belçika və Azərbaycan böyük futbol ölkələri deyil, lakin bu gecə onlar göstərdilər ki, kiçik ölkələr də futbol nərdivanında öz pillələrini tapa bilərlər”, - deyə AFFA-nin baş katibi vurğulayıb.

Qonaqlar azərbaycanlıların qonaqpərvərliyini yüksək qiymətləndiriblər.

Qeyd edək ki, qarşılaşmada Azərbaycan yığması Belçikaya 4-1 hesabı ilə məğlub olub.

AAC