Diaspor

Ana səhifə

Diaspor

İranda Urmiya gölü ilə bağlı keçirilən etiraz aksiyalarında çoxlu sayda azərbaycanlı həbs edilib

04 aprel 2011 09:20 (UTC +04:00)

Bakı. Ramil Məmmədli – APA. İranda Urmiya gölünün qurumasının qarşısının alınması tələbi ilə bağlı keçirilən aksiyalarda hüquq-mühafizə orqanları çoxlu sayda azərbaycanlını həbs edib. Güney Azərbaycan Milli Oyanış Hərəkatının Azərbaycan Respublikasındakı nümayəndəliyindən APA-ya verilən məlumata görə, etiraz aksiyaları Urmiya şəhərinin “Ellər bağı” parkında, Təbrizin “Acı çay” körpüsü yaxınlığında və Qoşaçay şəhərinin “Ata” parkında keçirilib. Aksiyalar hüquq-mühafizə orqanları tərəfindən dağıdılıb. Etiraz şüarları səsləndirən azərbaycanlılardan bir qismi döyülüb, 100-dən artıq şəxs saxlanılıb, onların bəziləri sonradan sərbəst buraxılıb. 50-yə yaxın adam müxtəlif dərəcəli xəsarət alıb, 4 nəfərin vəziyyəti ağırdır.

Etiraz aksiyası zamanı “Urmu gölü susuzdu, Azərbaycan oyanmasa uduzdu!”, “Su bəndlərin sındırın, Urmu gölün doldurun”, “Yaşasın Azərbaycan”, “Urmu gölü səslənir, susuzam haray haray” şüarlar səsləndirilib.