Diaspor

Ana səhifə

Diaspor

Sapun dağında əfsanəvi Azərbaycan atıcı diviziyasının şərəfinə ucaldılmış abidənin bərpadan sonra təntənəli açılışı olacaq

06 may 2011 15:57 (UTC +04:00)

Bu barədə APA-ya “Kırımn Azərbaycan İcması” İctimai Birliyinin rəhbəri Rəhim Hümbətov məlumat verib. Onun sözlərinə görə, Azərbaycan icmasının üzvləri 1991-ci ildən başlayaraq ənənəvi olaraq hər il Qələbə bayramında bu abidənin qarşısına toplaşırlar.
77-ci atıcı diviziya Krımın faşist işğalından azad edilməsində aktiv iştirak edib. Ümumi hücumun üçüncü günü Tomaşevska rayonunda 19-cu tank korpusu ilə birlikdə düşmənə ağır zərbələr endirən Azərbaycan diviziyası Cankoy dəmiryolunun böyük bir hissəsini almanlardan almağa müvəffəq olub. Bununla da Simferepola hücum üçün yol açılmış olub. Diviziya bir neçə gün Suran-Barın, Maryanovka və Yekatrinovka yaşayış qəsəbələri uğrunda ölüm-dirim döyüşləri aparıb. Bu döyüşlərdə düşmənin 5 mindən çox əsgər və zabiti məhv edilib, 29 səhra topu, 25 avtomobil və 50 vaqon sursat ələ keçirib.
Azərbaycanın 77-ci atıcı diviziyası 1944-cü il aprelin 13-də digər hərbi birləşmələrlə birlikdə Simferopolu alman faşistlərindən azad edib, minlərlə hitlerçini girov götürüb.
SSRİ Ali Soveti Rəyasət Heyətinin fərmanı ilə diviziyaya fəxri Simferopol diviziyası adı verilib. 77-ci diviziyanın 613 əsgər və zabiti orden və medallarla təltif olunublar.
Həmin ilin 7 mayında diviziya hücumla Sapun dağını ələ keçirib. Diviziyanın əsgəri Əbdüləziz Qurbanov düşmən atəşi altında zirvəyə qalxıb və Qırmızı Bayrağı Sapun dağına sancıb. Sevastopola ilk daxil olanlar sırasında 77-ci diviziyanın birləşmələri də olub. Diviziyanın 105 və 106 saylı polkları düşmənin müqavimətini sındıraraq Malaxov Kurqanını ələ keçiriblər. Mayın 9-da 324-cü polk şəhər vağzalını, Sevastopolun mərkəzini almanlardan təmizləyib və əsas qüvvələr gələnədək gələnədək şəhəri öz əllərində saxlayıblar.
77-ci atıcı diviziya Krım uğrunda döyüşlərdə 3 mindən çox faşisti məhv edib, vermaxtın 1652 əsgər və zabitini əsir götürüb. Sapun dağının hücumunda və Sevastopolun faşist işğalından azad edilməsində göstərdiyi rəşadətə görə diviziyan II dərəcəli Suvorov ordeni ilə təltif olunub.