Futbol

Ana səhifə

Futbol

Nani: “Azərbaycanla oyunun gedişində bir anlıq bədbinliyə qapılmışdıq”

12 sentyabr 2012 12:17 (UTC +04:00)

Bakı-APA. “Azərbaycanla qarşılaşmada kifayət qədər yaxşı oynadıq. Xeyli sayda qol imkanları da yaratdıq”. Apasport.az saytının Portuqaliyaya ezam olunmuş əməkdaşının verdiyi məlumata görə, bunu jurnalistlərə açıqlamasında Nani deyib.

Portuqaliya yığmasının üzvü DÇ-2014-ün seçmə mərhələsi çərçivəsində Azərbaycan milli komandası ilə keçirilən oyun haqda fikirlərini açıqlayıb. Nani 3:0 hesablı qələbələrini tam ədalətli sayır: “Bu oyunun gedişində bir anlıq bədbinliyə də qapılmışdıq. Bizi narahatçılıq hissi bürümüşdü ki, birdən qol vura bilmirik. Xoşbəxtlikdən fasilədən sonra edilən əvəzetmə özünü doğrultdu. Bunun sayəsində Azərbaycan yığmasını sonadək sıxa bildik. Vurduğumuz 3 qolla layiq olduğumuz qələbəni əldə etdik”.