Bakı – APA. Mayın 10-da Azərbaycanın Macarıstandakı səfirliyində Heydər Əliyevin anadan olmasının 90 illiyi münasibəti ilə rəsmi qəbul düzənlənib. Səfirlikdən APA-ya verilən məlumata görə, qəbulda Macarıstan rəsmiləri, Budapeştdə akkreditə olunan diplomatik korpusun nümayəndələri, Azərbaycan icmasının təmsilçiləri iştirak ediblər.
Toplaşanlar qarşısında çıxış edən səfir Vilayət Quliyev müasir Azərbaycan tarixində Heydər Əliyevin yeri və roluna toxunaraq istər onun sosializm dövrü, istərsə də müstəqillik dövründə Azərbaycana rəhbərliyi zamanı həyata keçirdiyi işlərdən danışıb.
Daha sonra qonaqlar tərəfindən böyük maraqla qarşılanan “Bir həsədin tarixi” sənədli filmi nümayiş etdirilib. Rəsmi qəbul çərçivəsində səfirliyin Macar Poçtu ilə birlikdə hazırladığı və Heydər Əliyevin 90 illiyinə həsr olunan xatirə markasının təqdimatı da keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
