Bakı. Real Cəfərli - APA. Mayın 15-də gecə saatlarında Türkiyənin İstanbul şəhərində İranın Ali Milli Təhlükəsizlik Şurasının katibi Səid Cəlili ilə Avropa Birliyinin xarici işlər və təhlükəsizlik siyasəti üzrə ali nümayəndəsi Ketrin Eşton arasında görüş keçirilib.
APA-nın “İRİBNEWS”a istinadən məlumatına görə, İranın İstanbuldakı baş konsulluğunda keçirilən görüş 4 saat çəkib. Görüşün detalları barədə ictimaiyyətə heç bir açıqlama verilməyib.
S.Cəlili jurnalistlərə açıqlamasında deyib ki, müzakirələr faydalı keçib və hər iki tərəf də mövqelərini yaxınlaşdırmaq üçün tezliklə təkrar görüşəcək.
K.Eşton da öz növbəsində görüşün faydalı keçdiyini, müzakirələr zamanı İranla “altılıq” ölkələrinin irəli sürdüyü təkliflər ətrafında fikir mübadiləsi aparıldığını və növbəti danışıqların vaxtının müəyyənləşdirilməsi üçün yaxın gələcəkdə təmasa keçəcəklərini söyləyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
