Bakı-APA. Venesuelada prezident seçkilərində müxalifətin namizədi kimi iştirak etmiş və Nikolas Maduroya məğlub olmuş Enrike Kapriles, Twitter-dəki mikrobloqunda hökumətin paytaxtda iğtişaş törədərək səslərin yenidən sayılmasına yol verməmək istədiyini yazıb.
Paytaxt Karakasda səslərin yenidən sayılmasını tələb edən müxalifətin çoxminlik aksiyaları keçirilir. Baş verən iğtişaşlar nəticəsində ən azı 7 nəfərin öldüyü, 60-dan artıq insanın xəsarət aldığı bildirilir. 135-dən çox müxalifətçi isə həbs olunub.
«Maduro (hakimiyyətin seçkilərdəki namizədi) və onun hökuməti iğtişaş törətmək göstərişini veriblər… İğtişaşlara görə onlar məsuliyyət daşıyırlar», deyə Kapriles yazıb.