Azərbaycan Mərkəzi Bankından “APA-Economics”ə verilən məlumata görə, yanvar-iyul aylarında geniş mənada pul kütləsi 799,8 mln. manat və ya 5,8% artıb.
Qeyd edək ki, M3 aqreqatının strukturuna banklardan kənarda nağd pullar, tələb olunanadək və müddətli əmanət və depozitlər daxildir.
Pul kütləsinin M2 aqreqatı (manat pul kütləsi) son bir ildə 2 619,6 mln. manat və ya 28,0% artaraq 11 971,0 mln. manata çatıb:
(mln. man.)
| 01.08.11 | 01.01.12 | 01.08.12 |
M0 (nağd pullar) | 6 199,0 | 7 158,2 | 8 012,3 |
M1 (nağd pul, tələb olunanadək əmanət və depozitlər) | 7 679,8 | 8 824,8 | 9 671,2 |
M2 (Nağd pul, tələb olunanadək və manatla müddətli əmanət və depozitlər) | 9 351,4 | 10 997,2 | 11 971,0 |
M3 (nağd pul, tələb olunanadək və müddətli əmanət və depozitlər) | 11 921,2 | 13 903,2 | 14 703,0 |
Göründüyü kimi, bu ilin avqustun 1-nə nağd pulun manat pul kütləsində xüsusi çəkisi 66,9% təşkil edib ki, bu da ötən ilin müvafiq dövrün göstəricisindən 0,6 faiz bəndi çoxdur.
Qeyd edək ki, son illərin təhlili nağdlaşmanın 62%-68% səviyyəsində olduğunu və bu sahədə hər hansı ciddi dəyişikliklərin olmadığını göstərir.