Bakı-APA. Noyabrın 26-da Hindistanın cənubunda inşa edilən “Kudankulam” atom elektrik stansiyasının yaxınlığındakı İdinthakarai kəndində törədilmiş partlayış nəticəsində 3-ü uşaq olmaqla 6 nəfər ölüb.
APA-nın “RİA Novosti”yə istinadən verdiyi xəbərə görə, ölən uşaqların yaşı 5-dən az olub. Partlayış nəticəsində iki ev tamamilə uçub. Polis bir neçə bombanın partladıldığını ehtimal edir. Hadisə ilə bağlı araşdırma aparılır.
Qeyd edək ki, “Kudankulam” atom elektrik stansiyası Rusiya-Hindistan əməkdaşlığı çərçivəsində inşa edilir.