Bakı. Real Cəfərli – APA. İran Türkiyəyə illik orta hesabla 3,5-4 mlrd. dollarlıq təbii qaz ixrac edir.
APA-nın “Mehr” xəbər agentliyinə istinadən məlumatına görə, bu barədə İranın Milli Qaz Şirkətinin rəhbəri Cavad Ovci açıqlama verib.
O bildirib ki, gələn il İranın təbii qaz ixracı günlük 100 mln. kubmetr artacaq: “Bu artımla da gəlirimiz 10 mlrd. dolları ötəcək. İraq və Pakistana təbii qaz ixrac etməyimiz üçün 3 yeni müqavilə imzalamışıq. Yeni müqavilələrin həyata keçirilməsi ilə İranın günlük təbii qaz ixracı 40-45 mln. kubmetrə çatacaq. Pakistanla əldə edilən razılığa əsasən, bu ölkəyə gündə 21,5 mln. kubmetr təbii qaz ixrac edəcəyik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
