Bakı. Ramil Məmmədli – APA. Klassik Xalq Cəbhəsi Partiyası (KXCP) İdarə Heyətinin (İH) iclası keçirilib.
Partiyanın mətbuat xidmətindən APA-ya verilən məlumata görə, KXCP ölkə prezidentini mövcud “Qrant haqqında”, “QHT-lərin, siyasi partiyaların və dini icmaların fəaliyyəti haqqında” qanunvericiliyə 15 fevralda Milli Məclis tərəfindən edilən dəyişiklikləri təsdiqləməməyə, bu strukturların fəaliyyətinə daha əlverişli şərait yaratmağa çağırıb.
Toplantıda qərarların icra vəziyyəti, ölkədəki ictimai-siyasi durum və qarşıda duran vəzifələr də müzakirə olunub. Müzakirə olunan məsələlərlə bağlı müvafiq qərarlar qəbul olunub.