Bakı-APA. ABŞ hökuməti Türkiyənin hava-hücumundan müdafiə sistemlərinin yaradılmasında Çinlə əməkdaşlıq etmək istəyindən narahatlığını rəsmi Ankaranın diqqətinə çatıdırıb. APA-nın “RİA Novosti”yə istinadən verdiyi məlumata görə, bunu jurnalistlərə açıqlamasında ABŞ Dövlət Departamentinin nümayəndəsi Cen Psaki deyib.
“ABŞ Ankaranın NATO sistemlərinə uyğun olmayan raket əleyhinə sistemlərdən istifadə edə biləcəyindən narahatdır. Bununla bağlı Vaşinqton ən yüksək səviyyədə Türkiyəni məlumatlandırıb”, - deyə o vurğulayıb.
Bəzi mətbu orqanlarının məlumatlarına görə, Türkiyə Çin şirkəti ilə birgə müəssisə yaratmaq fikrindədir. Həmin şirkət İran, Suriya və Şimali Koreya ilə əməkdaşlığa görə Vaşinqtonun “qara siyahısı”na düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
