Bakı. Şəhriyar Əlizadə - APA. Bu gün Bakı Apellyasiya Məhkəməsində həbsdə olan blogger Rəşad Ramazanovun apellyasiya şikayətinə baxılıb.
APA-nın məlumatına görə, apellyasiya şikayəti təmin edilməyib.
Qeyd edək ki, R. Ramazanov ötən il mayın 9-da həbs edilib. O, Cinayət Məcəlləsinin 234.4.3-cü (qanunsuz olaraq külli miqdarda narkotik vasitələri saxlamaq və satmaq) maddəsi ilə ittiham olunur.
Bakı Ağır Cinayətlər Məhkəməsinin hökmü ilə R. Ramazanov 9 il müddətinə azadlıqdan məhrum edilib.