Qəbələ. Elvin Yaqubov - APA. Bu gün ədliyyə naziri Fikrət Məmmədov Qəbələ Mədəniyyət Mərkəzində Oğuz, İsmayıllı, Qəbələ və digər ətraf rayonlarda yaşayan vətəndaşların qəbulunu keçirib.
APA-nın məlumatına görə, gün ərzində aparılan qəbul zamanı ədliyyə və məhkəmə fəaliyyəti, habelə digər müxtəlif məsələlərlə bağlı hər bir vətəndaş diqqətlə dinlənilib, müraciətlərdə qaldırılan məsələlərin bir qismi elə yerindəcə öz həllini tapıb, qəbulda iştirak edən nazirliyin aidiyyəti məsul işçilərinə digər müraciətlər üzrə müvafiq tapşırıqlar verilib.
Eyni zamanda ədliyyə və məhkəmə fəaliyyətinə aid olmayan digər məsələlərlə bağlı müraciətlər də dinlənilib, onların araşdırılması üçün aidiyyəti üzrə göndərilməsi təmin olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
