Bakı. Real Cəfərli - APA. Təbriz Universitetində etiraz aksiyası keçirilib.
APA-nın “Oyannews”a istinadən verdiyi məlumata görə, iyunun 21-də bir qrup tələbə “İraq-Şam İslam Dövləti”nin (İŞİD) qüvvələrinin törətdikləri cinayətləri pisləmək məqsədilə ali təhsil müəssisəsinin binası qarşısında toplanıblar.
Onlar əllərində türk və fars dillərində etiraz cümlələri yazılmış plakatlar tutaraq “İŞİD-ə yox!”, “Biz zorakılıqdan uzaq azad region istəyirik!”, “Terrorizmə yox!” və s. şüarlar səsləndiriblər. Aksiya bəyanatın oxunması ilə başa çatıb.