Rusiya ordusunun Kiyevə hücum nəticəsində xəsarət alanların sayı 22-yə çatıb.
APA xəbər verir ki, bu barədə Kiyev meri Vitali Kliçko bildirib.
Onun sözlərinə görə, hücum nəticəsində 2 nəfər ölüb.
***
14:02
Rusiya ordusunun Kiyevə hücum nəticəsində xəsarət alanların sayı 13-ə çatıb.
Bu barədə Ukrayna mediası məlumat yayıb.
***
13:42
Sentyabrın 23-də səhər saatlarında Rusiya ordusunun Kiyevə kütləvi dron hücumu nəticəsində şəhərdə yanacaqdoldurma məntəqələri, biznes mərkəzi, mağaza, anbar və nəqliyyat infrastrukturu zərər görüb, yanğınlar baş verib.
APA xəbər verir ki, Kiyev meri Vitali Kliçkonun sözlərinə görə, hücum nəticəsində 1 nəfər ölüb, 8 nəfər xəsarət alıb.
Məlumata görə, dronlardan biri Holosiivski rayonunda dəmiryolu vağzalının yaxınlığında dördmərtəbəli biznes mərkəzinə düşüb. Həmin rayonda yanacaqdoldurma məntəqəsi və anbar da zərər görüb. Darnitski rayonunda isə nəqliyyat infrastrukturu obyektinə və yanacaqdoldurma məntəqəsinə zərbələr endirilib. Solomensk rayonunda dron qalıqları yaşayış binaları arasındakı əraziyə düşüb və nəqliyyat müəssisəsinin ərazisində yanğın baş verib.
Ukrayna tərəfi hücum zamanı şəhərin bəzi ərazilərində dəmir yolu hərəkətinin də dayandırıldığını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
