2017-ci ilin I yarısında "Qala Həyat Sığorta" şirkətinin aktivləri ilin əvvəli ilə müqayisədə 11,48% azalaraq 40 mln. 457,037 min manat təşkil edib.
"APA-Economics" şirkətin hesabatına istinadən xəbər verir ki, aktivlərin 14 mln. 227,956 min manatı uzunmüddətli (-14,33%), 26 mln. 229,080 min manatı qısamüddətlidir (-9,86%).
Hesabat dövründə şirkətin öhdəlikləri 22,72% azalaraq 21 mln. 627,808 min manata enib. Öhdəliklərin 20 mln. 699,228 min manatı uzunmüddətli (-24,58%), 928,578 min manatı isə qısamüddətlidir (+72,44%).
Həyat sığortaçısının nizamnamə kapitalı dəyişməyərək 12,870 mln. manat olaraq qalıb. Bununla yanaşı, şirkətin cəmi kapitalı 6,26% artaraq 18 mln. 829,230 min manata çatıb.
"Qala Həyat Sığorta" ilin ilk yarısını 1 mln. 109,019 min manatlıq mənfəətlə başa vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
