Bunu APA-ya Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin direktoru Qurban Yetirmişli deyib.
O bildirib ki, sentyabrın 4-də Oğuzla Şəkinin sərhədində baş verən zəlzələnin ocağında indiyə qədər afterşoklar davam edir.
Q. Yetirmişli qeyd edib ki, bir neçə gündür həmin zəlzələ ocağında sakitlik əmələ gəlib: “Bu cür güclü zəlzələdən sonra afterşoklarda durğunluq yaranır, enerji toplanması gedir. Xırda təkanlardan fərqli olaraq sonradan bir az güclü təkanlar qeydə alınır. Dünən Oğuzda baş verən zəlzələni qeyd edə bilərəm”.