Moldovanın ölkəmizdə fövqəladə və səlahiyyətli səfiri İqor Bodyu APA-ya bildirib ki, Moldova Müdafiə Nazirliyinin Ermənistana 1500 ədəd C-8 raketi satmağa hazırlaşdığı barədə xəbərlər kökündən yalandır: “Bu məlumat həqiqətə uyğun deyil və təxribat xarakteri daşıyır. Xəbəri yayan OMEGA agentliyi müxalifətə yaxın kütləvi informasiya vasitəsidir. Bu agentlik yalan məlumatlar yaymaqla su bulandırır”.
Xatırladaq ki, Moldovanın OMEGA agentliyi hökumətdəki mənbələrə istinadən bu ölkənin Ermənistana 1500 ədəd C-8 raketi satmağa hazırlaşdığı barədə məlumat yayıb. Mənbə agentliyə bildirib ki, KİV-də silah satışı ilə bağlı məsələ qaldırıldıqdan sonra parlament istintaq komissiyasının araşdırmaları ilə əlaqədar silahların sifarişçiyə çatdırılması dayandırılıb: “Bu yaxınlarda Baş Prokurorluğun qərarı ilə saziş “qanuni” sayılıb və silahların çatdırılmasına icazə verilib. Bütün bu işlər baş nazirin göstərişindən sonra həyata keçiriləcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
