Qobustanda minik və yük avtomobilləri toqquşub, yaralananlar var
25 iyun 2012 09:15 (UTC +04:00)
Qobustan. Elvin Yaqubov-APA. Qobustan rayonunda 4 nəfərin ağır xəsarəti ilə nəticələnən avtomobil qəzası baş verib. Baş Dövlət Yol Polisi İdarəsinin (BDYPİ) istintaq və təhqiqat şöbəsinin müstəntiqi Rafiq Həsənov APA-ya bildirib ki, hadisə Bakı-Şamaxı avtomobil yolunun 103.5-ci kilometrliyində, Qobustan rayonu ərazisində qeydə alınıb. Qobustan sakini, 1987-ci il təvəllüdlü Süleymanov Süleyman Kamran oğlunun idarə etdiyi 37-BB-445 dövlət nömrə nişanlı “KaMAz 55111” markalı yük maşını qarşı tərəfdən gələn Şamaxı sakini 1983-cü il təvəllüdlü Məmmədov Sevindik Ənvər oğluna məxsus 90-MC-158 dövlət nömrə nişanlı “Daewoo Nexia” markalı minik maşını ilə toqquşub. Hadisə nəticəsində minik maşınının sürücüsü Sevindik Məmmədov və sərnişinləri - 1960-cı il təvəllüdlü Zeynalova Sevginaz Şahpələng qızı, 1982-ci il təvəllüdlü Əsədov Ağa Şamil oğlu və 1964-cü il təvəllüdlü Həmidov Laçın Əbülhəsən oğlu müxtəlif dərəcəli ağır bədən xəsarətləri ilə Qobustan Mərkəzi rayon Xəstəxanasına yerləşdirilib. Faktla bağlı BDYPİ-nin istintaq və təhqiqat şöbəsi tərəfindən araşdırma aparılır.
Hadisə
Şəmkirdə qəza olub, ölən və xəsarət alanlar var - YENİLƏNİB - FOTO
23:39
17 may 2024
Bakının İstiqlaliyyət küçəsində kafedə tüstülənmə olub
21:26
17 may 2024
FHN: Kürdəmir və Saatlıda su basmış yerlərdən suyun çəkilərək kənarlaşdırılması təmin edilib - VİDEO
19:55
17 may 2024
“Tərtər işi” ilə bağlı həbs edilən general Bəkir Orucovun cəzası 9 ildən 6 ilə endirilib
17:50
17 may 2024