Futbol

Ana səhifə

Futbol

DÇ: Belçika ABŞ üzərində qələbə qazanaraq 1/4 finala keçib - VİDEO

DÇ: Belçika ABŞ üzərində qələbə qazanaraq 1/4 finala keçib - <span style="color: red;">VİDEO

02 iyul 2014 00:43 (UTC +04:00)

APA-nın Apasport.az saytına istinadən verdiyi xəbərə görə, Belçika – ABŞ oyunu 1/4 finala vəsiqə qazanan 8-ci komandanı müəyyənləşdirib.

Bu matçın qalibi Belçika millisi 1/4 finalda Argentina ilə üz-üzə gələcək. Hələ mundial başlamamışdan öncə heyətinə görə gücü yüksək qiymətləndirilən Belçika yığması bu görüşdə favorit göstərilirdi. Bu komandalar indiyə kimi 5 dəfə üz-üzə gəlib. 4 dəfə Belçika, 1 dəfə isə ABŞ qələbəyə sevinib. 8 dəfə “qırmızı iblislər” qol vurub. 5 dəfə isə millimizin baş məşqçisi Berti Foqtsun müşaviri olduğu “yankilər” fərqlənib.

Bugünkü oyunda da sevinən tərəf Belçika olub. Avropa təmsilçiləri ikinci hissədə və əlavə olunan vaxtın birinci hissəsində böyük üstünlüyə malik olublar. Belçika bu üstünlüyü 2 qola çevirə bilib. Bundan sonra ayılan ABŞ millisi oyunun son dəqiqələrində rəqibə gərgin anlar yaşadıb. Amma amerikalıların cəmi 1 qol vurmağa gücləri yetib və Belçika çətinliklə də olsa 1/4 finala yüksəlib.

1/8 final
2 iyul

Belçika - ABŞ - 2:1
Qollar: De Bryune, 93; Lukaku, 105 - Qrin, 107