Bakı. Rüfət Əhmədzadə - APA. Müstəqil Dövlətlər Birliyində sədrlik Qazaxıstana keçib.
APA-nın “İnterfaks”a istinadən verdiyi məlumata görə, Belarus prezidenti Aleksandr Lukaşenko bildirib ki, MDB dövlət başçılarının növbəti iclası gələn ilin sentyabr-oktyabr aylarında Astanada baş tutacaq.
“Biz razılaşdıq ki, gələn il sədrlik Qazaxıstana keçsin və 2015-ci ilin sentyabr-oktyabr aylarından növbəti iclası Astanada keçirək. Dəqiq tarixi sonra açıqlayacağıq”, – deyə o qeyd edib.
A. Lukaşenko əlavə edib ki, MDB-nin inkişaf konsepsiyası çərçivəsində kifayət qədər işlər görülüb, amma elmi sahədə əməkdaşlığın səviyyəsi yetərincə deyil.
MDB-nin 2014-cü il sədrliyi sıra qaydası ilə Ukraynaya keçsə də, Krımın Rusiya tərəfindən ilhaqından sonra rəsmi Kiyev bu öhdəlikdən imtina edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
