Bu gün Bakı Ağır Cinayətlər Məhkəməsində İran İslam Respublikasının qaçaqmalçılıqda təqsirləndirilən vətəndaşı Pişehvaz Sorushun cinayət işi üzrə məhkəmə istintaqı başlayıb.
APA-nın xəbərinə görə, hakim Eldar Mikayılovun sədrliyi ilə keçirilən prosesdə prokuror ittiham aktını elan edib.
İttihama münasibət bildirən P. Sorushun özünü təqsirli bilib. O deyib ki, pulun qanunsuz keçirilməsindən xəbəri olmayıb.
Sonra iş üzrə şahidlər ifadə verib.
Proses iyunun 27-də davam etdiriləcək.
Qeyd edək ki, Pişehvaz Sorush hava limanında saxlanılıb. Onun üzərinə baxış zamanı bəyan edilməmiş 30 min ABŞ dolları məbləğində pul aşkar olunub.
Faktla bağlı Cinayət Məcəlləsinin 206.1-ci (qaçaqmalçılıq) maddəsi ilə cinayət işi başlanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
