Futbol üzrə Azərbaycan milli komandası AVRO-2020-nin seçmə mərhələsinin IV turunun Slovakiya ilə oyununun hazırlığını başa vurub.
APA-nın məlumatına görə, baş məşqçi Nikola Yurçeviçin yetirmələri iyunun 11-də baş tutacaq qarşılaşma öncəsi son məşqini “Bakcell Arena”da gerçəkləşdirib.
Yığmamızın futbolçuları oyunun keçiriləcəyi arenada məşq ediblər. Hazırlıq prosesinin ilk 15 dəqiqəsi mətbuat üçün açıq olub.
Qeyd edək ki, seçmə mərhələnin E qrupunun IV turu çərçivəsində sabah “Bakcell Arena”da keçiriləcək Azərbaycan – Slovakiya görüşü saat 20:00-da başlayacaq.