“Keşlə” klubu növbəti futbolçu transferini rəsmiləşdirib.
APA-nın məlumatına görə, Bakı təmsilçisi 33 yaşlı qapıçı Stanislav Namaşko ilə razılıq əldə edib.
Moldova millisinin üzvü ilə müqavilə 1+1 şərti ilə bağlanılıb.
Ölkəsinin müxtəlif yaş kateqoriyaları üzrə yığmalarında çıxış edən S.Namaşko “Tiraspol”, “Şerif”, Dinamo-Avto (hər üçü Moldova), “Kuban”, “Spartak” (Nalçik), “Volqar” (hər üçü Rusiya), AZAL (Azərbaycan), “Levadiakos” (Yunanıstan) və “Deçiç” (Monteneqro) klublarında da oynayıb. Onun son komandası Monteneqro “Zeta”sı olub.