“Bütün komandanın motivasiyası yüksək səviyyədədir. Bizim bir arzumuz var və buna çatmaq istəyirik”.
APA-nın məlumatına görə, bunu Macarıstan yığmasının futbolçusu Qerqe Lovrençiç deyib.
31 yaşlı yarımmüdafiəçi AVRO-2020-nin seçmə mərhələsi çərçivəsində Azərbaycan millisi ilə sabah keçiriləcək oyunöncəsi mətbuat konfransına qatılıb. O bildirib ki, meydana 3 xal üçün çıxacaqlar: “İstəyirik ki, uğurlu seriyanı Bakıda da davam etdirək. Bunun üçün də meydana qələbə əzmi ilə çıxacağıq”.
Lovrençiçin sözlərinə görə, Azərbaycanla oyuna ciddi hazırlaşıblar: “Əvvəllər hazırlıq bir neçə gündən ibarət olurdu. Bu dəfə hazırlıq üçün 11-12 gün vaxtımız oldu. Uzun müddət məşq etməyimizin sabahkı matçda müsbət təsir edəcəyinə inanıram”.
Qeyd edək ki, Bakıda “Bakcell Arena”da keçiriləcək oyun saat 20:00-da başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
