Gürcüstanın paytaxtı Tiflisdə Vitali Daraseliyanın xatirəsinə keçirilən turnirinə yekun vurulub. Apasport.az saytı xəbər verir ki, yarışın son günündə həlledici qarşılaşmalar baş tutub.
“Qəbələ”nin 16 yaşadək futbolçulardan ibarət komandası 5-ci yer uğrunda oyunda Türkiyənin “Trabzonspor” klubu ilə görüşüb. “Qırmızı-qaralar” bu qarşılaşmada 1:3 hesabı ilə məğlub olublar.
“Qəbələ”nin qoluna Təbriz İsazadə imza atıb. Beləliklə, Şəhruz Mustafayevin baş məşqçisi olduğu komanda turniri 6-cı yerdə başa vurub.
Yarışın qalibi isə Kiyev “Dinamo”su olub. Ukrayna təmsilçisi finalda Hollandiya “Alkmaar”ını məğlub edib – 1:1 (penaltilər seriyası 4:2). Üçüncü yer uğrunda matçda Belçika “Gent”i İtaliya “İnter”indən güclü olub – 0:0 (penaltilər seriyası 5:4).
7-ci yer uğrunda matçda isə Tiflis “Dinamo”su Zaqrebdən olan həmklublarına 3:1 hesabı ilə qalib gəlib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
