Bu gün UEFA Avropa Liqasında II təsnifat mərhələsinin püşkatma mərasimi keçirilib. Apasport.az saytının məlumatına görə, I mərhələdəki 47 cütün qalibinə burada daha 27 komanda qoşulacaq.
Azərbaycanı bu turnirdə təmsil edən “Qəbələ”, “Neftçi” və “Keşlə”nin I mərhələni itkisiz başa vuracaqları təqdirdə, qarşılaşacaqları potensial rəqiblər müəyyənləşib.
Azərbaycan çempionatının gümüş mükafatçısı "Qəbələ" "Proqres"i mübarizədən kənarlaşdırsa, növbəti mərhələdə "Honved" (Macarıstan) - "Rabotniçki" (Makedoniya) cütünün qalibi ilə qarşılaşacaq.
Topaz Premyer Liqasını üçüncü pillədə bitirən "Neftçi"nin püşkdə bəxti gətirməyib. Paytaxt təmsilçisi "Uypeşt" səddini aşacağı təqdirdə, Avroliqanın 5 qat qalibi "Sevilya" ilə üz-üzə gələcək.
Azərbaycan kubokunun qalibi "Keşlə"nin potensial rəqibi isə ya "Milsami" (Moldova), ya da "Slovan" (Slovakiya) olacaq.
Qeyd edək ki, II təsnifat mərhələsinin ilk oyunları iyulun 26-da, cavab görüşləri isə avqustun 2-də keçiriləcək.
Avropa Liqası
II təsnifat mərhələsi
"Honved" (Macarıstan)/"Rabotniçki" (Makedoniya) - "Proqres" (Lüksemburq)/"Qəbələ"
"Baltsan" (Malta)/"Keşlə" - "Milsami" (Moldova)/"Slovan" (Slovakiya)
"Neftçi"/"Uypeşt" (Macarıstan) - "Sevilya" (İspaniya)
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
